دوێنێ شەو لە سلێمانی ٢ فڕۆکەی بێ فڕۆکەوان تێکشکان.

سەرچاوە ئەمنییەکان باس لەوە دەکەن کە لە کاتەکانی شەودا دوو فڕۆکەی بێ فڕۆکەوان لە ناوچەی ساڵوجەی سلێمانی کەوتووەتە خوارەوە.

لە ئەنجامی رووداوەکەدا زیانێکی گیانی نەبوو و لێکۆڵینەوە لەبارەی رووداوەکە بەردەوامە.

لە راگەیەندراوێکدا کە لەلایەن لیوای ٧٠ی هێزەکانی پێشمەرگەوە بڵاوکراوەتەوە، ئاماژە بەوەکراوە، یەکێک لەو دوو فڕۆکەی بێفڕۆکەوانانەی کە کەوتوونەتە خوارەوە، بەر تاسڵوجە کەوتووە و ئەوی دیکەشیان لە نزیک بارەگای یەکەکە کەوتووە. ئەو فڕۆکە بێفڕۆکەوانەی کە لە شارۆچکەکەدا کەوتە خوارەوە، ترسێکی کورتی لێکەوتەوە.

ئەحمەد لەتیف، وتەبێژی لیواکە رایگەیاند، یەکێک لە فڕۆکەکان لە ناوچەیەکی نیشتەجێبوونی مەدەنی و ئەوی تریان لە ناوچەیەکی سەربازی کەوتووەتە خوارەوە، ئاماژەی بەوەشکرد، لە هیچ کام لە رووداوەکاندا هیچ کوژراو و بریندارێک نەبووە.

لە ڤیدیۆکاندا کە لە سۆشیال میدیا بڵاوکراونەتەوە دەنگی تەقینەوەیەکی بەهێز دەبیسترێت و دواتر بڵێسەی ئاگر بەرز دەبێتەوە.(İLKHA)